👋 大家好！
成语 1
တရုတ်စာ လေ့လာတဲ့ နေရာမှာ 成语 idiom တွေကိုသိသင့်တယ်နော်!
成语故事 idiom story စိတ်ဝင်စားတဲ့သူတွေရှိလား?
成语 မှတ်ရခက်နေလား? 成语 က သက်ဆိုင်တဲ့ story ကိုသိနားလည်ထားရင် မှတ်မိလွယ်တယ်နော်!
ဒီနေ့ “守株待兔” 成语故事 ကို လေ့လာပြီး သုံးကြည့်ရအောင်!
ရှေးခေတ်က လယ်သမားတစ်ယောက် ရှိတယ်။ သူ နေ့တိုင်း လယ်ထဲမှာ လုပ်ကိုင်ရပြီး အရမ်းပင်ပန်းရတယ်။
တစ်နေ့ သူ လယ်လုပ်နေစဉ် ရုတ်တရက် ယုန်တစ်ကောင် အလျင်အမြန် ပြေးလာတာကို မြင်လိုက်တယ်။ ယုန်ပြေးတာ အရမ်းမြန်လို့ လယ်နားရဲ့ သစ်ပင်နဲ့ တိုက်မိပြီး ယုန်က ချက်ချင်း သေသွားတယ်။ လယ်သမားက အရမ်းပျော်ပြီး ယုန်ကို ကောက်ကိုင်ကာ အိမ်ပြန်သွားတယ်။
နောက်နေ့မှာတော့ လယ်သမား လယ်ထဲကို မသွားတော့ဘူး။ သူ နေ့တိုင်း အဲဒီသစ်ပင်ဘေးမှာ ထိုင်စောင့် နေပြီး နောက်ထပ် ယုန်တွေ တိုက်မိပြီးသေဖို့ စောင့်နေတယ်။ နေ့ရက်တွေ ကြာလာတဲ့အထိ သစ်ပင်နဲ့တိုက်မိပြီး သူ့အလိုလိုသေတဲ့ယုန်ကို ဘယ်တော့မှ မတွေ့ရတော့ဘူး။
လယ်ထဲက စပါးပင်တွေကို ဂရုမစိုက်တဲ့အတွက် အားလုံး ခန်းခြောက်သွားကြတယ်။ လူတွေအားလုံး ဒီလယ်သမားကို လှောင်ပြောင်ကြပြီး ကြိုးစားမှုမရှိဘဲ အကျိုးအမြတ် လိုချင်တဲ့သူလို့ ပြောကြတယ်။
စကားပုံရဲ့ အဓိပ္ပါယ်
သစ်ပင်အနားစောင့်ပြီး ယုန်ကိုမျှော်ခြင်း (守株待兔)
မတော်တဆကံကောင်းမှုကို မျှော်လင့်ပြီး ကိုယ်တိုင်ကြိုးစား အားထုတ်မှုမလုပ်ဘဲ အကျိုးခံစားခွင့်ကို အလကားရဖို့စောင့်နေခြင်းကို ဆိုလိုတယ်။
守株待兔 ကို သုံးပြီး ပြောကြည့်ရအောင်
- 我们不能守株待兔，要努力学习。
- 你不要守株待兔，快去工作。
- 成功靠努力，不是守株待兔。